കുഴിയാന

മണ്ണപ്പം ചുട്ട് കണ്ണാരം പൊത്തി കളിച്ചുനടന്ന കാലം.... കുട്ടിത്തടിയെടുത്ത് അച്ഛനുമമ്മയും കളിച്ചു നടന്ന ആ പഴയ ബാല്യകാലം.... കാടും മേടും വിറപ്പിച്ച് ആര്‍ത്തട്ടഹസിച്ചു നടന്ന ആ പഴയ കുട്ടിക്കാലം.... പറമ്പായ പറമ്പെല്ലാം തെണ്ടി നടന്ന് ഉടമസ്തരുടെ കണ്ണും വെട്ടിച്ച് പറങ്കിമാവില്‍ കല്ലെറിഞ്ഞ് മാങ്ങാവീഴ്ത്തി തിന്നു, ചൊനയും പറ്റി മുഖവും പൊള്ളിച്ചു നടന്ന ആ പഴയ സുന്ദര കാലം.... സന്ധ്യയ്ക്ക് ഗ്രാമവിശുദ്ധിയുടെ പര്യായമായ പുഴയിലൂടെ മുങ്ങാംകുഴികളിട്ട് സമ്രുദ്ധിയായൊരു കുളി....

ആ ഗതകാലസ്മരണകള്‍ അയവിറക്കാന്‍ ദാ താഴെ ഒരു പടം....
ചെറുപ്പത്തില്‍ എന്തു കൌതുകമായിരുന്നു കുഴിയാനകളെയും, അവയുടെ ആവാസവ്യവസ്ഥകളെയും പറ്റി....
ചെറുപ്പത്തില്‍ കുഴിയാനയെ പിടിച്ച് “എനിക്കൊരു ആനേണ്ടാര്‍ന്ന്” എന്നു വീമ്പു പറയാത്ത ആരെങ്കിലുമുണ്ടോ???