Wednesday, December 30, 2009

സ്വാഗതം 2010 നു..


അങ്ങിനെ കാത്തിരുന്ന ഒരു പുതുവത്സരം കൂടി വരവായി..
തദവസരത്തിൽ.. ബൂലോകത്തെ എല്ലാ കൂട്ടുകാർക്കും..
പ്രസന്നമായ..
സന്തോഷഭരിതമായ..
ഒരു പുതുവർഷം ആശംസിക്കുന്നു..

Friday, December 25, 2009

ഹോ..!! മടുത്തു ഞാന്‍..!!

ഹോ..!! മടുത്തു ഞാന്‍...!!
എപ്പോ നോക്കിയാലും തീറ്റാ കുടീ, തീറ്റാ കുടീ തന്നേ..
അബാഹുജാനു കാര്‍ട്ടൂണിസ്റ്റ് എന്ന എന്റെ റെക്കോര്‍ഡ് തകര്‍ക്കാനുള്ള ശ്രമത്തിലാ ചെക്കന്‍...
കൊതി വരുണൂലോ..
എന്താണാവോ ആസ്വദിച്ചു അകത്താക്കുന്നതു..!!
പഹയന്‍..!! ഒരു ഗ്ലാസ്സ് എനിക്കു കൂടി എടുത്തുകൊണ്ടു വരാനുള്ളതിനു പകരം..

Monday, December 21, 2009

സീനറി...2


എത്ര കണ്ടാലും..
എത്ര കഥകള്‍ കേട്ടാലും..
മതിവരാത്ത നാടാണു എന്റെ മലനാട്..
ഇതാ പെരുവന്താനത്തിനു സമീപത്തുനിന്നൊരു ദൃശ്യം..

Sunday, December 20, 2009

ഗോമ്പറ്റീഷന്‍..


ഉന്തി ഉന്തി ഞാന്‍ മടുത്തു..ഹോ !!
കടന്നു പോണില്ല്യാലോ..!!!
ഇമ്മിണി ബല്യ ഒരു വാതിലും..
രണ്ടു ചെറ്യേ മനുശന്മാരും..

ഗോമ്പറ്റീഷന്‍..!!
ആരാണീ ഇമ്മിണി രണ്ടു ചെറിയ മനുഷന്മാര്‍..??

Friday, December 18, 2009

ധനുമാസപുലര്‍വേള


ധനുമാസപുലര്‍വേളയില്‍..


മരം കോച്ചും തണുപ്പിനെ പുണര്‍ന്ന്..
പുലര്‍കാല കിരണങ്ങള്‍..
ഭൂമീദേവിയെ ചുംബിച്ചുണര്‍ത്തുന്നു..

Saturday, December 12, 2009

കാത്തിരിപ്പ്...!!


കാത്തിരിപ്പ്..!!

Monday, December 7, 2009

നൊസ്റ്റാള്‍ജിയ


മഴത്തുള്ളികള്‍ പൊഴിഞ്ഞീടുമീ നാടന്‍വഴി..
നനഞ്ഞോടിയെന്‍ കുടക്കീഴില്‍ നീ വന്നനാള്‍..
കാറ്റാലെ നിന്‍ ഈറന്‍മുടീ..
ചേരുന്നിതെന്‍ മേലാകവേ..
നീളുന്നൊരീ മണ്‍പാതയില്‍..
തോളോടുതോള്‍ പോയീലയോ..

Sunday, November 29, 2009

പ്രതീക്ഷയുടെ നാളം..


പ്രതീക്ഷയുടെ ഈ കുഞ്ഞു നെയ്ത്തിരി നാളത്തിൽ നിന്നും..
ആയിരക്കണക്കിനു മനസ്സുകളിലേയ്ക്കു പ്രകാശം പടരട്ടെ..!!

Wednesday, November 25, 2009

ഏകാന്ത ചന്ദ്രികേ..


ഏകാന്ത ചന്ദ്രികേ..
തേടുന്നതെന്തിനോ...

Wednesday, November 18, 2009

കൂണുകളുടെ സൌന്ദര്യമത്സരം..!!






കൂണുകളുടെ സൌന്ദര്യമത്സരം..!!
നല്ല ഈര്‍പ്പമുള്ള അവസരത്തില്‍..
പാഴ് റബ്ബെര്‍ തടിമേല്‍ ഇടതൂര്‍ന്നു വളര്‍ന്നുണ്ടായതാണിവ..

Monday, November 16, 2009

സ്വാമിയേ ശരണമയ്യപ്പോ..


സ്വാമി ശരണം..!!
വ്രതശുദ്ധിയുടെ നാളുകൾ തുടങ്ങുകയായി..
ഇനി ഒരേയൊരു ലക്ഷ്യം മാത്രം..
ഒരേയൊരു മോഹം മാത്രം..
ഒരേയൊരു മന്ത്രം മാത്രം..
സ്വാമിയേ ശരണമയ്യപ്പോ..


Monday, November 9, 2009

ജെറിബറ






കഴിഞ്ഞ വർഷം മുപ്പതു രൂപാ കൊടുത്തു വാങ്ങിച്ച ജെറിബറ തൈയിൽ നിന്നും വിരിഞ്ഞ കടിഞ്ഞൂൽ സന്തതിയാണിവൾ..
ഫ്ലവെർ ഡെക്കറെഷൻസിലെ രാജ്ഞി..
ഓറഞ്ച്, റോസ്, പിങ്ക്, വെള്ള, മഞ്ഞ, ഐവറി എന്നിങ്ങനെ വിവിധ തരം നിറങ്ങളിൽ ഇതു കാണപ്പെടുന്നു..

Friday, October 30, 2009

ചെമ്പരത്തിപ്പൂവേ ചൊല്ല്..


ദേവനെ നീ കണ്ടോ..!!

Sunday, October 25, 2009

ജീവിക്കാനുള്ള നെട്ടോട്ടത്തിനിടെ..


ജീവിക്കാനുള്ള നെട്ടോട്ടത്തിനിടെ..
സുഹൃത്തുക്കളായ കുറച്ചു പ്രവാസികളെ ഓർമിപ്പിക്കുന്നു..

Tuesday, October 20, 2009

മംഗളാശംസകൾ..

ഈ പടത്തിൽ കാണുന്ന വധൂവരന്മാർ ആരാണെന്നു കണ്ടെത്താമോ..??
ഒരു ബ്ലോഗേർസ് കുടുംബത്തിൽ നിന്നുള്ള ആംഗമാണു വരൻ..??

അദ്ദേഹത്തിനും, വധുവിനും എന്റെ ഹൃദയംഗമമായ ആശംസകൾ തദവസരത്തിൽ രേഖപ്പെടുത്തട്ടെ..

Saturday, October 17, 2009

തുമ്പിപ്പെണ്ണേ വാ വാ..

പൂക്കളോടും കായ്കനികളോടും പുന്നാരം ചൊല്ലി ഇരിക്കുവാ..
കൂടുന്നോ എന്റെ കൂടെ തുമ്പി തുള്ളാൻ..!!

Sunday, October 11, 2009

സായാഹ്നങ്ങളൂടെ തോഴൻ



എന്റെ മുൻപിലുള്ള കാഴ്ചകളുടെ ലോകം അതിവിശാലമാണു..
എന്നേപ്പോലെ തന്നെ..!!

Wednesday, October 7, 2009

അനശ്വരത



ഓരോ ഉദയാസ്തമയങ്ങളും ജീവജാലങ്ങളെ അനശ്വരമാക്കുന്നു

Thursday, October 1, 2009

കണ്ണീർത്തടാകം..!!


26.06.09 നായിരുന്നു കണ്ണീർത്തടാകത്തിലേക്കുള്ള ആദ്യ സന്ദർശനം..
വൈകുന്നേരം 4 മണിക്കുള്ള അവസാനട്രിപ്പായ കെ.റ്റി.ഡി.സി യുടെ ‘ജലറാണി’ യെന്ന ഡബിൾഡെക്കർ ബോട്ടിലായിരുന്നു (ജലറാണിയെന്നാണോർമ്മ) തടാകത്തിലൂടുള്ള യാത്ര..
പ്രസ്തുത ബോട്ടിൽ കയറി തടാകത്തിലൂടെ ഉല്ലാസസവാരിക്കായി അക്ഷമരായി കാത്തിരിക്കുന്ന എന്റെ സഹയാത്രികരാണീ മുകളിലുള്ള ചിത്രത്തിൽ കാണുന്നത്..
അന്നത്തെ യാത്രാവേളയിൽ; തമാശയായി എന്റെ സഹയാത്രികരായ കൂട്ടുകാരോടു പറഞ്ഞു..
“ഈ ബോട്ടെങ്ങാനും മുങ്ങിയാൽ എന്റെ കാര്യം പോക്കാ; എനിക്കു നീന്തൽ വശമില്ലല്ലോ..
അല്ലേലും ഏതൊരു ഡാമുകളുടെയും വൃഷ്ടിപ്രദേശങ്ങളിൽ അകപ്പെട്ടു പോയാൽ എത്ര വിദഗ്ധരായ നീന്തൽകാരാണെങ്കിലും രക്ഷപെടുവാൻ പ്രയാസമാണു; പിന്നെയാണു ഞാൻ..
അങ്ങനെയെങ്കിലും സംഭവിച്ചാൽ, ഈ കാമെറായെങ്കിലും കണ്ടുകിട്ടിയാൽ ബൂലോകത്തെ എന്റെ കൂട്ടുകാർക്കു വേണ്ടി പടമെങ്കിലും പോസ്റ്റുചെയ്യണേ..”


തമാശക്കു പറഞ്ഞകാര്യമാണെങ്കിലും, ഇന്നു രാവിലെ ഒരു സഹയാത്രികൻ ഫോണിൽ വിളിച്ചു അതിനേപറ്റി സൂചിപ്പിച്ചു..
ഒരു വിറയൽ പെരുവിരലിൽ നിന്നും തലയുടെ ഉച്ചിയിലേക്കു മിന്നൽ പോലെ സഞ്ചരിക്കുന്നതറിഞ്ഞു..





ദാ; ഇവളാണു ആ ദുരിതകഥയിലെ ദു:ഖനായിക..
കണ്ണിർത്തടാകത്തിന്റെ ദു:ഖപുത്രി..
മനോഹരമായ തേക്കടിതടാകത്തിന്റെ ചാരിത്രം നഷ്ടപ്പെടുത്താൻ കാരണമായവൾ..
44 പേരുടെ മരണത്തിനു സാക്ഷ്യം വഹിച്ചവൾ..
“ജലകന്യക”

ഞങ്ങൾ തേക്കടിയിലെത്തുമ്പോൾ, അവൾ ആദ്യയാത്രയ്ക്കുള്ള പടപ്പുറപ്പാടിലായിരുന്നു..
കൊടും തണുപ്പിൽ മൂടിപ്പുതച്ചുകിടന്നുറങ്ങുന്ന അവളെ കണ്ടപ്പോൾ; അതിലൊന്നു യാത്ര ചെയ്യണമെന്നു മോഹമുണ്ടായിരുന്നു..
പക്ഷേ; ഇനി ഒരിക്കലും തേക്കടി തടാകത്തിലേക്കില്ല.. ജീവിതത്തിലൊരിക്കലും.



“നിർഭാഗ്യവാന്മാരായ എന്റെ സഹോദരീ സഹോദരന്മാർക്ക് ആദരാഞ്ജലികൾ അർപ്പിക്കുന്നതിനോടൊപ്പം,; തദവസരത്തിൽ അവരുടെ കുടുംബാംഗങ്ങളുടെ വിഷമതകളിലും, സങ്കടത്തിലും പങ്കുചേരുകയും ചെയ്യുന്നു”

Wednesday, September 30, 2009

നഷ്ടസ്വർഗ്ഗങ്ങളെ നിങ്ങളെനിക്കൊരു ദു:ഖസിംഹാസനം നൽകീ..


മാനം മുട്ടുവോളം ചിന്തകളുണ്ടു മനസ്സിൽ..
നാളത്തെ ജീവിതം എന്താകുമെന്നാരുകണ്ടു..
മക്കൾ; അവരുടെ വിദ്യാഭ്യാസം, ഭാവി, വിവാഹം,ജീവിതം..
എല്ലാം കൂടി ചിന്തിക്കുമ്പോൾ തലയ്ക്കകത്തു ഒരു മരവിപ്പ് ഇരച്ചു കയറുന്നു..
നല്ലൊരു നാളെയെ പ്രതീക്ഷിച്ച്; പ്രത്യാശയോടെ..



Monday, September 28, 2009

അവധിക്കാലം..




ചെറുപ്പത്തിൽ; ഞാനും ഇങ്ങനെ ഒരു കുസൃതിക്കുടുക്കയായിരുന്നു..!!

Sunday, September 27, 2009

എന്റെ ഗ്രാമകാഴ്ചകള്‍...3


എന്റെ ഗ്രാമത്തിലെ അമ്പലപറമ്പും, പരിസരപ്രദേശങ്ങളുമാണു ദൃശ്യത്തിൽ..
പ്രധാന റോഡിൽ നിന്നും പാടത്തിനിടയിലൂടുള്ള ചെറിയ പാതയിൽ കൂടി അമ്പലപ്പറമ്പിലെത്താം..
(പാടം എന്നു പേരേ ഉള്ളൂ; ഇപ്പോൾ കൊയ്ത്തും മെതിയുമൊന്നുമില്ല)
അമ്പലപ്പറമ്പിലെത്തുമ്പോൾ ആദ്യം സ്വാഗതം ചെയ്യുക വിശാലമായ കുളമാണു..(വലത്തേയറ്റത്തു കരിങ്കൽക്കെട്ടു കാണുന്നില്ലേ..അതന്നേ)
അമ്പലക്കുളത്തിന്റെ പിന്നിലായി നിബിഡമായിവളർന്നു നിൽക്കുന്ന വൃക്ഷലതാതികൾക്കിടയിൽ ഒരു ‘സർപ്പക്കാവു’ണ്ട്..






ഇടുക്കിജില്ലയിലെ ഏക ക്ഷേത്രവും വിഷ്ണുഭഗവാന്റെ കരുത്താർന്ന അവതാരമായ നരസിംഹസ്വാമിയുടെ പ്രതിഷ്ഠയാണുള്ളത്. ഇതിനോടു ചേർന്നു വലതു ഭാഗത്തായി, ചുറ്റുമതിലിനു വെളിയിലായി ശ്രീഭദ്രകാളിയുടെ കാവും സ്ഥിതിചെയ്യുന്നു.
താഴെകാണുന്ന ചിത്രത്തിൽ അങ്ങേയറ്റത്തെനട ഭദ്രകാളിസന്നിധിയിലേക്കുള്ളതാണു..
ഇങ്ങേയറ്റത്തെ നട ഭഗവാന്റെ സന്നിധിയിലേക്കുള്ളതും..
ഈ നടയുടെ ഇടതുഭാഗത്തായി വർഷങ്ങൾ പഴക്കമുള്ളൊരു ആൽമരം നിൽ‌പ്പുണ്ട്..
ഭഗവാന്റെ ഇടതുഭാഗത്ത്, ക്ഷേത്രത്തിനു വെളിയിലും; ചുറ്റുമതിലിനുള്ളിലുമായി ഉപദൈവമായ ശ്രീശിവപരമേശ്വരന്റെ പ്രതിഷ്ഠ സ്ഥിതിചെയ്യുന്നു..
ക്ഷേത്രത്തിനുള്ളിൽ ഭഗവാന്റെ വലതുഭാഗത്തായി വിഘനേശ്വരനായ ശ്രീ ഗണപതിഭഗവാന്റെ പ്രതിഷ്ഠയുമുണ്ട്..





ഇതാണു ഭഗവാന്റെ തിരുസന്നിധി. ആനപന്തലാണു മുൻപിൽ കാണുന്നത്..
എന്റെ ചെറുപ്പത്തിൽ ക്ഷേത്രത്തിനു ചുറ്റുമതിലോ, കൊടിമരമോ ഒന്നും ഉണ്ടായിരുന്നില്ല..
കാലക്രമേണ ഓരോന്നോരോന്നായി ഭഗവാന്റെ കൃപാകടാക്ഷംകൊണ്ടു പണിയാൻ സാധിച്ചതാണ്..
ആയിരക്കണക്കിനു വർഷം പഴക്കമുള്ള ഭഗവാന്റെ ശ്രീകോവിൽ ഇപ്പോൾ പൊളിച്ചു നവീനരീതിയിൽ പണിതുകൊണ്ടിരിക്കുകയാണു..
ജനുവരി മാസത്തിനുള്ളിൽ പുനപ്രതിഷ്ഠനടത്തേണ്ടതിനാൽ പണികൾ ദൃതഗതിയിൽ നടന്നുകൊണ്ടിരിക്കുന്നു..






ജീവിതത്തിൽ ഇനിയുമൊരിക്കൽക്കൂടി ജനിച്ചുമരിക്കുവാൻ സാധിച്ചാൽ ഭഗവാന്റെ സർവ്വാനുഗ്രഹം നിറഞ്ഞ ഈ മണ്ണിൽത്തന്നെ സാധിക്കണേ എന്നൊരു ആഗ്രഹം ഉണ്ട്..
അത്രക്കേറെ ഈ അമ്പലപ്പറമ്പും, അമ്പലവുമായി ഹൃദയബന്ധമുണ്ട്..
ചെറുപ്പം മുതൽ ഓടിക്കളിച്ചു നടന്ന മണ്ണാണിത്..
ആദ്യത്തെ പ്രണയം പൂത്തുവളർന്നു പന്തലിച്ചതും ഈ മണ്ണിൽ വച്ചായിരുന്നു..
ദേവീക്ഷേത്രനടയിൽ ദീപാരാധനാവേളയിൽ, ദീപപ്രഭയിൽ ജ്വലിക്കുന്ന രണ്ടുദേവിമാരെ കൺനിറച്ചുകണ്ടു ആത്മനിർവൃതിയടഞ്ഞതും ഈ മണ്ണിൽത്തന്നെ..
ഭഗവാന്റെയും, ദേവിയുടെയും ഉത്സവങ്ങൾ..
ഭാഗവതസപ്താഹങ്ങൾ..
പ്രസാദഊട്ടുകൾ..

എല്ലാം എല്ലാം ഈ മണ്ണിൽത്തന്നെയായിരുന്നു..

Saturday, September 26, 2009

പോർട്രൈറ്റ്


ഞാനും കളരീൽ പോകാൻ തുടങ്ങുവാലോ..

Tuesday, September 22, 2009

അദ്ധ്വാനം


ജീവിതം ഉള്ളിടത്തോളം കാലം പ്രതീക്ഷയുണ്ട്..

Saturday, September 19, 2009

മഴപെയ്യുമ്പോഴേ..



മഴ പെയ്യുമ്പോഴേ..
നാണം കൊണ്ട് കൂമ്പിനിൽക്കും ഞങ്ങൾ..!!

Tuesday, September 15, 2009

മരണത്തിലേക്കുള്ള വഴി


മരണത്തിലേക്കുള്ള (കുറുക്കു) വഴി..!!

Sunday, September 13, 2009

കായൽക്കാഴ്ച


ഞാനെടുത്തിട്ടുള്ള ചിത്രങ്ങളിൽ എനിക്കേറ്റവും ഇഷ്ടമുള്ള ചിത്രങ്ങളിലൊന്ന്..

പശ്ചാത്തലത്തിൽ കാണുന്നത് തണ്ണീർമുക്കം ബണ്ടാണ്..
വേനൽക്കാലത്ത് കടലിലെ ഉപ്പുവെള്ളം കയറി കൃഷി നശിക്കാതിരിക്കാൻ കായലിനേയും കടലിനേയും തമ്മിൽ വേർതിരിക്കാനാണീ ബണ്ട് നിർമിച്ചിരിക്കുന്നത്..
വടക്ക് വെച്ചൂർ മുതല്‍ തെക്ക് തണ്ണീർമുക്കം വരെ വേമ്പനാട്ട് കായലിനു കുറുകെയാണിതു പണിതിരിക്കുന്നത്..
ഡിസംബര്‍ മാസത്തില്‍ ഷട്ടറുകള്‍ താഴ്ത്തുകയും മെയ് മാസത്തില്‍ ഉയര്‍ത്തുകയും ചെയ്യുന്നു..

Thursday, September 10, 2009

കബഡി കബഡി..


കബഡി കബഡി കബഡി കബഡി...

ഓണാഘോഷത്തോടനുബന്ധിച്ചു DYFI യുടെ ആഭിമുഖ്യത്തിൽ നടത്തിയ മത്സരങ്ങളിൽ നിന്നു..
പുറകിലായി RSS ന്റെ ശാഖ നടത്തുന്നതും കാണാം..
എന്റെ ഗ്രാമത്തിൽ നിന്നും ഒരു കാഴ്ച..

Monday, September 7, 2009

മുരുക്ക്


മുള്ളുകളുള്ള മരമായ മുരുക്ക്, കേരളത്തിലെ ഈർപ്പ വനങ്ങളിൽ സുലഭമായി കാണപ്പെടുന്നു..
മുരുക്ക് ഇല മുഴുവൻ പൊഴിക്കുന്ന മരമാണു..
ഒരൊറ്റ ഇല പോലുമില്ലാത്ത കൊമ്പുകളിൽ മനോഹരങ്ങളായ ചോരനിറത്തിലുള്ള പൂക്കളുണ്ടാകും..
മുരുക്കിന്റെ പൂക്കാലം ആരംഭിക്കുന്നത് ജനുവരി മുതൽ ഏപ്രിൽ വരെയാണു..
ഇലപൊഴിച്ചിലിനു ശേഷം കുറച്ചു ദിവസത്തിനുള്ളിൽ പൂക്കാലം ആരംഭിക്കുന്നു..
മുരുക്കിന്റെ പൂക്കൾക്ക് ‘പ്ലാശി’ന്റെ പൂക്കളുമായി വളരെയേറെ സാമ്യമുണ്ട്..
കൊമ്പുകളുടെ തുമ്പത്തുണ്ടാകുന്ന ഈ പൂക്കൾക്ക് അഞ്ചു സെന്റീമീറ്ററോളം നീളമുണ്ടാകും..
ഈ പൂവുകളിലുള്ള തേൻ നുകരാൻ പക്ഷികൾ കൂട്ടമായി എത്താറുണ്ട്..
നമ്മുടെ നാട്ടിൽ മൂന്നുതരം മുരുക്കുണ്ട്..
1.കരിമുരുക്ക്
2.വെണ്മുരുക്ക്
3.തണൽ മുരുക്ക്

ഇന്ത്യൻ കോറൽ ട്രീ എന്നാണു ആംഗലേയഭാഷയിലുള്ള നാമം..
‘എറിത്രിന’ എന്നാണു ശാസ്ത്രനാമം..

[വിവരങ്ങൾക്കു കടപ്പാട് ബാലരമ ഡൈജസ്റ്റിനു]

Saturday, September 5, 2009

ഇനി ഞാനൊന്നുറങ്ങട്ടെ..!!


ഇനി ഞാനൊന്നുറങ്ങട്ടെ..!!


കുമരകം കായലിൽ നിന്നുള്ള അസ്തമനക്കാഴ്ച..

Friday, September 4, 2009

മാവേലിയും ഡ്യൂപ്പും..


മാവേലിയും ഡ്യൂപ്പും..!!

ഡ്യൂപ്പെന്താ ചെയ്യുന്നതെന്നു നോക്കിയേ..
ആസ്വദിച്ചു ബീഡി വലിക്കുന്നു..!!
കോട്ടയം-കുമരകം റൂട്ടിൽ നിന്നും കിട്ടിയ ദൃശ്യം..

Sunday, August 30, 2009

ഇവിടെ ഓണം തുടങ്ങികെട്ടോ..


ഇതിനെ നിങ്ങൾക്കെങ്ങനെ വേണമെങ്കിലും വ്യാഖ്യാനിക്കാം..
ഇവിടെ, മലയാളനാട്ടിൽ ഇങ്ങനെയൊക്കെയാ കെട്ടോ ഓണം തുടങ്ങുന്നത്..
കേട്ടില്ലേ, മലയാളിയെ ഒരു ദിവസം പുലർത്താൻ ഒരു കോടി രൂപയുടെ മദ്യം വേണമത്രേ..!!
ഇതു പാവപ്പെട്ടവന്റെ ഓണാഘോഷമാണു..
പണക്കാരന്റെയാകുമ്പോൾ ആ, ഓ.സി.ആർ കുപ്പിയുടെ സ്ഥാനത്ത് വല്ല സ്മിർനോഫ്ഫോ, ജോണിയോ,ഷിവാസോ.. അല്ലെങ്കിൽ മറ്റെന്തെങ്കിലും മുന്തിയ ഇനം ബ്രാൻഡൊ ഒക്കെ ആകും..
എന്നാലും ആഘോഷത്തിന്റെ രീതി ഇങ്ങനെയൊക്കെത്തന്നെയായിരിക്കും..

അപ്പോൾ ഇവിടെ ഓണം തുടങ്ങി കെട്ടോ..!!
എല്ലാ ബൂലോകർക്കും ചിയേർസ്..!! അല്ല ‘ഓണാശംസകൾ’

Thursday, August 27, 2009

മേയ്ഡ് ഫോർ ഈച്ച് അതെർ..


നാം ഒന്ന്..
നമ്മൾ ഒന്ന്..

Sunday, August 23, 2009

വെളിച്ചത്തെ കീഴടക്കാനുള്ള ഒരു പരീക്ഷണം..


വെളിച്ചത്തെ കീഴടക്കാനുള്ള പരിശ്രമത്തിലാണു ഞാൻ..
മറ്റു നക്ഷത്ര നഗരങ്ങളെ അപേക്ഷിച്ച്, തൊടുപുഴ നഗരം പരീക്ഷണത്തിനു അത്ര സൌകര്യപ്രദമല്ലാത്തതിനാൽ;
കഴിഞ്ഞ ദിവസം നിർമിച്ച ഒരു ‘സാദാ‘ സ്റ്റേജ് ഡെക്കറേഷൻ (കല്യാണ മണ്ഡപം) പരീക്ഷണത്തിനു വിധേയമാക്കി..
സ്റ്റേജിലുള്ള നാച്ചുറൽ ലൈറ്റിനെ ഒപ്പിയെടുക്കുക അല്ലെങ്കിൽ ഒപ്പിയെടുത്താൽ എന്തായിരിക്കും ഫലം; എന്നതായിരുന്നു ലക്ഷ്യം..

Thursday, August 20, 2009

മൂലമറ്റം ഭൂഗർഭവൈദ്യുതനിലയം


നാടുകാണി വ്യൂപോയിന്റിൽ നിന്നുള്ള ദൃശ്യം..
ഏകദേശം രണ്ടായിരത്തിലേറെ അടി താഴ്ചയിൽ കാണപ്പെടുന്ന ഈ കാഴ്ച എന്താണെന്നറിയേണ്ടെ??
ഇന്ത്യയിലെ ഏറ്റവും വലിയ ഭൂഗർഭവൈദ്യുതനിലയമാണിത്..
മൂലമറ്റത്ത് സ്ഥിതിചെയ്യുന്നു..



Tuesday, August 18, 2009

ശൂ...!!


ശൂ...!!

Sunday, August 16, 2009

കള്ളുകുപ്പീം ഗ്ലാസും കിട്ട്യാൽ..





കള്ളു കുപ്പീം ഗ്ലാസും കിട്ട്യാൽ..
കുട്ട്യോളും വീടൊന്നും വേണ്ടാന്നോ..




നിയമപരമായ ഒരു മുന്നറിയിപ്പ് ചുവടെ; താഴെയുള്ള ലിങ്കിൽ പോയി ആഡിയോ പ്ലേ ചെയ്ത് കേൾക്കൂ..

kallu kuppeem glasum.mp3

Friday, August 14, 2009

ഒരു വട്ടം കൂടിയെന്നോർമകൾ മേയുന്ന..


ഒരു വട്ടം കൂടിയെന്നോർമകൾ മേയുന്ന..

Wednesday, August 12, 2009

കോടമഞ്ഞാൽ തഴുകിയുറങ്ങുന്ന താഴ്വരകളും, മലനിരകളും..







കോടമഞ്ഞാൽ പുതച്ചുറങ്ങുന്ന നിരവധി മലനിരകളാലും, താഴ്വാരങ്ങളാലും സമ്പന്നമാണീ മലനാട്..
ഇടുക്കിജില്ലയിലെ പാറമടയിൽ നിന്നും പെരിങ്ങാശ്ശേരിയിലേയ്ക്കു പോകുന്ന വഴിക്കിടയിലാണീ വിജനമായ ‘ആത്മഹത്യാമുനമ്പ്’ സ്ഥിതിചെയ്യുന്നത്..
തികച്ചും, പേരിനനുയോജ്യമായ രീതിയിൽ തന്നെ പ്രകൃതി ഈ സ്ഥലത്തെ പണിതുവെച്ചിരിക്കുന്നു..
കോടക്കാറ്റിന്റെയും, കോടമഞ്ഞിന്റെയും തഴുകലേറ്റ് മുഖരിതമായ അന്തരീക്ഷത്തിലായിരുന്നു ഞങ്ങൾ അവിടെ എത്തിച്ചേർന്നത്..
മലനിരകളുടെ നെഞ്ചിലേറിനിന്ന് താഴ്വാരത്തിന്റെ അഗാധതയിലേക്ക് മിഴികൾ പായിക്കുമ്പോൾ; കോടമഞ്ഞിനിടയിലൂടെ അവ്യക്തമായി പച്ചപ്പിന്റെ നിറം കാണാമായിരുന്നു..
വായുവിൽ, വീശിയടിക്കുന്ന കാറ്റിൽ ഓടിക്കളിക്കുന്ന മഞ്ഞിന്റെ നനുത്ത നൂൽകഷ്ണങ്ങളെ കൈകളിൽ കോരിയെടുത്തുഞാൻ ആവേശത്താൽ ആഞ്ഞാഞ്ഞു പുണർന്നു..

മടങ്ങണമെന്നുണ്ടായിരുന്നില്ല!!
പക്ഷേ... മടങ്ങാതിരിക്കാനാവില്ലല്ലോ...

Sunday, August 9, 2009

പൂന്തേൻ നുകരും പൂമ്പാറ്റ..




പൂവുകൾ തോറും കയറിയിറങ്ങി പൂന്തേൻ നുകരുന്ന സുന്ദരികളായ പൂമ്പാറ്റകൾ..

Saturday, August 8, 2009

അണ്ണാറക്കണ്ണാ വാ; പൂവാലാ... ചങ്ങാത്തം കൂടാൻ വാ !!!


അണ്ണാറക്കണ്ണാ വാ... പൂവാലാ;
ചങ്ങാത്തം കൂടാൻ വാ...

അപ്പുവേട്ടന്റെ മകൻ മനുകുട്ടൻ ആവണികുട്ടിയെ ഭ്രമരത്തിലെ സൂപ്പെർഹിറ്റ് പാട്ടായ ‘അണ്ണാറക്കണ്ണാ വാ... പൂവാലാ; ചങ്ങാത്തം കൂടാൻ വാ...’ എന്ന ഗാനം പഠിപ്പിക്കാനുള്ള ശ്രമത്തിൽ...

ഈ സീസണിൽ നാട്ടിലെത്തിയ പ്രവാസിമലയാളികൾക്കെല്ലാം അടുത്ത അവധിവരേയും ഗൃഹാതുരത്വത്തിന്റെ മധുരം നുണയാൻ ഈ ഗാനം തീർച്ചയായും ഉപകരിക്കുമെന്നു കരുതുന്നു...

സൂപ്പെർ ഹിറ്റായ ആ ഗാനം

ഇവിടെ

കേൾക്കാം...



ബന്ധപ്പെട്ടൊരു പോസ്റ്റ്

ഇവിടെ

കാണാം..



(ഫോട്ടോയെടുത്തതു എന്റെ കാമെറായിൽ അപ്പുമാഷ്)

ജാലകം

എന്റെ ആവണിക്കുട്ടി

എന്റെ ആവണിക്കുട്ടി

About Me

My photo
ഞാന്‍ ഹരീഷ്, നാട് തൊടുപുഴ, നാട്ടില്‍ ചെറിയ ബിസ്സിനസ്സ്, വിവാഹിതനാണ്, ഒരു മോളൂം മോനും... എന്റെ മനസ്സിലുള്ള എളിയ അറിവുകള്‍ കൂട്ടുകാരായ നിങ്ങളുമായി പങ്കു വയ്ക്കുവാന്‍ ആഗ്രഹിക്കുന്നു, എന്നെക്കൂടി നിങ്ങളിള്‍ ഒരാളായി കരുതി സഹകരിക്കുവാന്‍ അനുഗ്രഹിക്കണമെന്നു വിനയപൂര്‍വം അപേക്ഷിച്ചു കൊള്ളുന്നു.....

Blog Archive

Followers

ഇവിടെയും വരൂ..

ഈ ബ്ലോഗിന്റെ ഹെഡ്ഡെർ ഡിസൈൻ ചെയ്തു തന്ന ശ്രീ.നാടകക്കാരനു നന്ദി..!!

  © Blogger template 'Photoblog II' by Ourblogtemplates.com 2008

Back to TOP