സൂര്യന്‍; അന്ന് പതിവിനു വിപരീതമായി നേരത്തേ കൂടണയാന്‍ തുടങ്ങിയിരുന്നു..
ഇരുട്ട് മൂടിക്കൊണ്ടിരുന്ന ചെമ്മണ്‍പാതയിലൂടെ കാവിനെ ലക്ഷ്യമാക്കി നീങ്ങിക്കൊണ്ടിരുന്ന;
അവളുടെ ഒപ്പമെത്താന്‍ ഞാന്‍ ആഞ്ഞുനടന്നു..
അലറിപ്പൂക്കള്‍ പൊഴിഞ്ഞുകിടന്നിരുന്ന പാതയുടെ വളവിലെത്തിയപ്പോള്‍..
ഞാന്‍ അവള്‍ക്കൊപ്പമെത്തി..
അലറിപ്പൂക്കളുടെ മത്തുപിടിപ്പിക്കുന്ന ഗന്ധവും, ഈറന്‍ മുടിയിലെ കാച്ചെണ്ണയുടെ സുഗന്ധവും;
ചേര്‍ന്ന സമ്മിശ്രമായ അനുഭൂതി എന്റെ ഘ്രാണേന്ദ്രിയങ്ങളിലേക്ക് പടരുന്നുണ്ടായിരുന്നു..
അവളോട് തോള്‍ ചേര്‍ന്ന് എന്റെ കൈവിരലുകള്‍ക്കുള്ളില്‍ അവളുടെ വിരലുകള്‍ കോര്‍ത്തുപിടിച്ചു നടക്കുവാന്‍ ഞാന്‍ മോഹിച്ചു..
ദീപാരാധന തൊഴുതുകൊണ്ടു നിന്ന അവളുടെ വദനകാന്തി;
ദീപപ്രഭയാല്‍ അലറിപ്പൂവു പോലെ ശോഭിതമായി ജ്വലിക്കുന്നുണ്ടായിരുന്നു...
ബാല്യം!!!
നൊള്‍സ്റ്റാള്‍ജിക് ഫീലിംഗ്സ് തരുന്ന ഒട്ടെറെ അനുഭവങ്ങളുണ്ട് മനസ്സില്‍..
അതിലൊന്നാണിതും..
എന്റെ കുട്ടിക്കാലത്ത്, ഞാന്‍ ജനിച്ച കുഗ്രാമത്തിലെ തോട്ടിലേയ്ക്ക് കുളിക്കാന്‍ അമ്മയുടെ കൂടെ പോകുന്ന ഒരു ദൃശ്യമുണ്ട് മനസ്സില്‍..
ഈ ചിത്രത്തിലെ കുട്ടിയുടെ ‘വണ്ടി’ പോലെ ‘മോഡേണ്‍’ ഒന്നുമല്ലായിരുന്നു..
തേഞ്ഞുതീര്‍ന്ന റബ്ബെര്‍ ചെരിപ്പ് വൃത്താകൃതിയില്‍ വെട്ടിമുറിച്ച്..
നടുവിലൊരുതുളയുമിട്ടിട്ട്, ഇവയ്ക്കു കുറുകേ കപ്ലം[പപ്പായ] തണ്ട് മുറിച്ചു വച്ചിട്ട്..
ഇതിനുള്ളിലൂടെ ഈര്‍ക്കില്‍ കൊണ്ട് ഈ ടയറുകളെ തമ്മില്‍ ബന്ധിപ്പിക്കും..
എന്നിട്ട്; പാണലിന്റെയോ, കാപ്പിയുടേയോ കമ്പ് മുറിച്ച്..
അറ്റം കൂര്‍പ്പിച്ച്, കപ്ലത്തണ്ടിന്റെ നടുഭാഗത്ത് തുളയുണ്ടാക്കി അതിലേക്കിറക്കി വയ്ക്കും..
ഒന്നുകൂടി; ഈ കമ്പിന്റെ ഇങ്ങേയറ്റത്ത് ഒരു ‘ചെരുപ്പ് ടയര്‍’ കൂടി ഫിറ്റ് ചെയ്യും, സ്റ്റീയറിങ്ങായി..
ഹോ!!! ഓര്‍മകളിങ്ങനെ ഇരമ്പിയിരമ്പി വരികയാണ്..
ഭാഗ്യം!!! കഴിഞ്ഞനൂറ്റാണ്ടിന്റെ അവസാനപാദത്തില്‍ ജനിക്കാന്‍ സാധിച്ചതിന്..
ദൈവത്തിനു നന്ദി!!!
ഇന്നു മുതല്‍ ഞാന്‍ എന്റെ ഗ്രാമത്തിലെ കാഴ്ചകളുമായി നിങ്ങളിലേക്കെത്തുകയാണ്. എന്റെ ഗ്രാമം ‘മണക്കാട്’, തൊടുപുഴ താലൂക്കില്‍ പെട്ട പതിനഞ്ചു പഞ്ചായത്തുകളില്‍ ഒന്നാണ്. പ്രകൃതിരമണീയത നിറഞ്ഞ ദൃശ്യങ്ങള്‍ എന്റെ ഗ്രാമത്തിന് ഒരു മുതല്‍കൂട്ട് തന്നെയാണ്. മണക്കാട് പഞ്ചായത്തിലൂടെ കടന്നു പോകുന്ന തൊടുപുഴയാര്‍ ടി പ്രദേശത്തിന്റെ സമ്പല്‍ സമൃദ്ധിയില്‍ സുപ്രധാന പങ്കുവഹിക്കുന്നു. കൂടുതലായും റബ്ബെര്‍കാടുകളാണെങ്കിലും അന്യം നില്‍ക്കാത്ത നെല്പാടങ്ങളും, വിവിധതരത്തിലുള്ള മരങ്ങളാലും, ചെടികളാലും ഫലഭൂയിഷ്ഠമാര്‍ന്ന ഒരു പ്രദേശം കൂടിയാണ് മണക്കാട്. ഒട്ടേറെ ആരധനാലയങ്ങള്‍ ഉള്‍പ്പെടുന്ന ഈ സ്ഥലം ഉത്സവകാലമാകുമ്പോഴേക്കും മറ്റൊരു ലോകത്തേക്ക് ഞങ്ങളെ കൂട്ടിക്കൊണ്ടുപോകുന്നു. ജില്ലയിലെ ഏക നരസിംഹസ്വാമിപ്രതിഷ്ഠയുള്ള ക്ഷേത്രവും ഇവിടെത്തന്നെ. ഇനിയും കൂടുതല്‍ പറയാനുണ്ട്...സമയമുണ്ടല്ലോ!!! പിന്നീടാവട്ടെ..
എല്ലാവര്‍ക്കും എന്റെ ഗ്രാമത്തിലേക്ക് സ്വഗതം...
താഴെക്കാണുന്നത് മണക്കാട് പഞ്ചായത്തില്‍ പെട്ട ‘പെരിയാമ്പ്ര’ എന്ന സ്ഥലത്തുനിന്നുള്ള ദൃശ്യമാണ്. ഏറ്റവും കൂടുതല്‍ കൃഷിക്കാര്‍ ഉള്‍പ്പെടുന്ന പ്രദേശമാണിവിടം. വാഹനങ്ങളുടെ ആധിക്യമതികമായനുഭവപ്പെടാത്തതിനാല്‍ ഏറ്റവും അധികം സ്വസ്ഥവും, ശുദ്ധവായുനിറഞ്ഞതുമായ പ്രദേശമാണിത്... പണ്ട് ഈ ഗ്രാമം ഒരു കുഗ്രാമമായിരുന്നു. ജലത്തിന്റെ ദൌര്‍ലഭ്യം പരിഹരിക്കുന്നതിനായി ഒരു കനാല്‍ ഈ ഗ്രാമത്തിലൂടി കടന്നുപോകുന്നുണ്ട്. മൂവാറ്റുപുഴവാലി ഇറിഗേഷന്‍ പദ്ധതിയുടെ ഭാഗമായുള്ളതാണത്. ഈ കനാലിലൂടെ ഒഴുകുന്ന വെള്ളമാണ് താഴെക്കാണുന നെല്പാടങ്ങളെ സമൃദ്ധിയിലാറാടിക്കുന്നത്....
അങ്ങു ദൂരെ ഒരു പാലം കണ്ടോ; ആ പാലത്തില്‍ കയറിനിന്ന് താഴോട്ട് നോക്കുമ്പോള്‍ കാണുന കാഴ്ചയാണ് അതീവസുന്ദരം..
ഇനി ഒരിക്കല്‍ അത് എടുത്ത് പോസ്റ്റാം കെട്ടോ...
ഇതാണ് സര്‍പ്പഗന്ധി. സര്‍പ്പങ്ങളുടേതുപോലെ ഫണം വിടര്‍ത്തിനില്‍ക്കുന്ന ദളങ്ങളുള്ളതിനാലാകണം ഈ പൂവിനീപേരുലഭിച്ചത്!!!
കാഴ്ചയില്‍ സുന്ദരിയാണെങ്കിലും ദുര്‍ഗന്ധം വമിക്കുന്ന ഒന്നാണിവ.
ഈ വൃക്ഷം നില്‍ക്കുന്നിടത്ത് പാമ്പുകള്‍ അടുക്കാറില്ലെന്ന് പഴമക്കാര്‍ പറയുന്നു...
ഈ വൃക്ഷത്തിന്റെ തായ്തടിയില്‍ പ്ലാവുകളുടേതുപോലെ ചക്ക ഉണ്ടാകാറുണ്ട്... പക്ഷെ എനിക്കൊരെണ്ണം പോലും കാണാനായില്ല... ഇനി ഒരിക്കലാകട്ടെ.
നല്ലൊരു തണല്‍ വൃക്ഷം കൂടിയാണിവ...
ഇതു കണ്ടോ; ഈ മൊട്ടു വിരിഞ്ഞാണ് സര്‍പ്പഗന്ധിപ്പൂവ് ഉണ്ടാകുന്നത്...
സര്‍പ്പം ഫണംവിടര്‍ത്തിനില്‍ക്കുന്നതു പോലെയുണ്ടല്ലേ!!!
എന്തു ഭംഗി നിന്നെക്കാണാന്‍.....
ഇതു അതിന്റെ വൃക്ഷം...
ഇനി ഇതിനെപറ്റി വിശദമായി അറിയാവുന്നവര്‍ പറഞ്ഞുതരൂ...
താഴെ കാണുന്ന പൂക്കള്‍ ഏതാണെന്നു പറയാമോ??
സമാനസ്വഭാവമുള്ള രണ്ടു പൂക്കള്‍ ആണിവ....
ആദ്യം മൊട്ടുണ്ടാകുന്നു. പിന്നീട് അവ പൂവായും, കായായും രൂപാന്തരം കൊള്ളുന്നു....
അവസാനം അതു പഴുത്ത് സാദിഷ്ടമായ ഒരു ഫലം ലഭിക്കുന്നു....
എല്ലാവരും വളരെയേറെ ഇഷ്ടപ്പെടുന്ന പഴങ്ങള്‍....
ഒരു മനുഷ്യജന്മത്തിന്റെ ജീവിതചക്രം പോലെ.....
താഴെ കാണുന്ന പടം കണ്ടോ; ‘പഴുതാര കൊല്ലി‘ എന്ന ചെടിയാണത്. ഈ ചെടിയുടെ ഇലകള്‍ പച്ചമഞ്ഞളുമായി സമം അരച്ചു തേക്കുന്നത് ക്ഷുദ്രജീവികള്‍ കടിച്ചുണ്ടാകുന്ന വിഷത്തിനു പരിഹാരമത്രെ!! ഉദാ: പഴുതാര, തേനീച്ച, എട്ടുകാലി, തേള്‍...
ഇതിന്റെ ഇലകള്‍ ശ്രദ്ധിച്ചു നോക്കൂ; പഴുതാരയുടെ പോലെയില്ലേ...
ത്രിശ്ശൂര്‍ ഭാഗങ്ങളില്‍ ഇതിനു ‘നായപല്ലി‘ എന്നു പറയാറുണ്ട്. നായയുടെ കടി മൂലമുണ്ടാകുന്ന വിഷത്തിനും ഇതു ഉത്തമമാണത്രേ...
ഇനി നിങ്ങള്‍ക്ക് ഇതിനേക്കുറിച്ച് അറിയാവുന്ന വിവരങ്ങള്‍ പങ്കുവക്കുവാന്‍ താല്പര്യപ്പെടുന്നു...
ഇപ്പഴും ഇള്ളക്കുട്ട്യാന്നാണ് വിചാരം!!! വളര്‍ന്ന് വളര്‍ന്ന് എമണ്ടനായിരിക്കണൂ!!! ഇനിയെങ്കിലും ഈ കുടിയൊന്നു നിര്‍ത്തിക്കൂടെ എന്റെ ക്ടാവേ.... ഇല്ലെങ്കില്‍ ഞാന്‍ ചെന്നിനായകം പുരട്ടിവയ്ക്കുമേ....
കഴിഞ്ഞദിവസം പുളിക്കാനം വഴി വാഗമണ്ണിനു പോയപ്പോള്‍ കാണുവാന്‍ സാധിച്ച കുറച്ച് നാട്ടു കാട്ടു പൂക്കാളാണിവ...
എന്തു ഭംഗിയാണിവയ്ക്ക്!!! തിരിച്ച് വീട്ടിലെത്തി ഫോട്ടോസെല്ലാം വീട്ടുകാരെ കാണിച്ചപ്പോള്‍ നേരിട്ട ഒരു ചോദ്യമാണ് ‘ ഓരോന്നിന്റെയും ചെടികള്‍ പറിച്ചുകൊണ്ടുവരാത്തതെന്തെന്ന്’. ഇപ്പോള്‍ എനിക്കും തോന്നുന്നു എല്ലാ ചെടികളും പറിച്ചുകൊണ്ടുവന്ന് വീടിന്റെ മുറ്റത്ത് നട്ടിരുന്നുവെങ്കില്‍, എന്നും രാവിലെ സുന്ദരികളായ ഈ പുഷ്പങ്ങളെ കണികണ്ടുണരാമായിരുന്നുവെന്ന്...
കുറച്ചുപൂക്കളുടെ പേരുമാത്രമേ എനിക്കറിയാവൂ. അറിയാവുന്നവയുടെ പേര് പറഞ്ഞുതരാം...
ബാക്കി അറിയാവുന്നവര്‍ എനിക്കും പറഞ്ഞുതരൂ....
ഇതു കണ്ടോ, സൂര്യകാന്തിപ്പൂവ് പോലെയില്ലേ. ഇതു നേരിട്ടു കാണണം...എന്തൊരു ഭംഗിയാണെന്നറിയോ!!!
നമുക്കിവളെ ‘നാടന്‍ സൂര്യകാന്തി’ എന്നു വിളിക്കാമല്ലെ...
ഇതു കണ്ടോ, എനിക്കേറ്റവും ഇഷ്ടപ്പെട്ട പൂവ് ഇതായിരുന്നു....
മുകളിലത്തെ പൂവിന്റെ ചെടിയില്‍ കൂട് കൂട്ടിയിരിക്കുന്ന ഒരു പുഴു; ലവനതിന്റെ അകത്തുണ്ട് കെട്ടോ!!!
ഇവന്‍ നമ്മുടെ ചെമ്പരത്തിപ്പൂവിന്റെ ആരെങ്കിലുമാണോ??
കൊങ്ങിണിപ്പൂവ് ഒരു തരം...
കൊങ്ങിണിപ്പൂവ് രണ്ടു തരം...
ഇത് ഒരു തരം പയറുചെടിയാണെന്നു തോന്നുന്നു...
തൊട്ടാവാടീ നിന്നേയെനിക്കെന്തിഷ്ടമാണെന്നോ...
വെള്ളിലം താളി...
പേരക്കായുടെ പൂവ്!!!
ഉമ്മം...
കടലാസ് റോസ്...[മൊസാന്റോ $ ബോഗന്‍ മുല്ല]
കാക്കപ്പൂവ്..
മധുരച്ചേമ്പ്...
കമ്മൂണിസ്റ്റ് പച്ചയുടെ പൂവ്...
ഒരുതരം പയറിന്റെ പൂവ്...
ചുണ്ടങ്ങ [മരണാനന്തരക്രിയകള്‍ക്കുപയോഗിക്കുന്ന ഒരു തരം വഴുതനങ്ങയില്ലേ, അതിന്റെ പൂവ്]
കാപ്പിക്കുരു പഴുത്തത്...
കാപ്പിക്കുരു പച്ച...
റോബസ്റ്റ കാപ്പി...
ബമ്പിളി നാരങ്ങ...
ഇത് ഒരു തരം നാരങ്ങയാണ്. ഇതിന്റെ തൊലി പച്ചക്ക് എടുത്ത് മുറിച്ചു കഴിക്കാം. ചെറിയ ഒരു മധുരമുണ്ടാകും...
കറിവക്കുന്നതിനേക്കാളുപരി പച്ചക്ക് കഴിക്കുവാനാണ് ഉപയോഗിക്കുന്നത്....
തേയില കൊളുന്ത്....
© Blogger template 'Photoblog II' by Ourblogtemplates.com 2008
Back to TOP
.jpg)
